Ngo Abotani-Mibu abu ké ommangé

- Madum Pegu

Ngo Abotani-Mibu Abu-ké ommangé

Ngo a:ng pítané Obonori ya:mé:é

Opín , Dírbí- dírlab Agom gompod

Mé:boné Mising ao:ko

Ngo Posomang a:péné ngasod ém mé:la .

O ... abíné kírí:nga

Leke: lendo a:do dok 

Do:yingém lubitei no

Kíyarla gíbope ngo

Aín émpé unné Tani agom

Gomlab dém poyirtei no 

Poyarla gíbopé ngo.

A:bang , Kaban, Ni:tom ko

Tomkanbitei no

Tomyarla gíbopé ngo

Léri:li, Selloya,Gumrag ko so:yir tei no

Soyarla gíbopé ngo.

Lé:nong,Dendung,Dumdum ko Man-nyirtéi no

Man-nyarla gíbopé ngo

Aíne tarung ko ru:lento no

Mimag ko mobopé ngo

Ajengko jé:ropto no

Je:dum supé ngo.