Turko Bélam.....

- Debasish Misong

1.Kémoné bélamdo dalíkko dapé 

Po:lo ruwadko lagidag 

Migmo úgné do:ni loladdo durasupésin 

Íssing ígyumko lagidag

Turra dunamsé somanna turnamang 

Ngok yírnamsé a:ro yírnammang 

Mépola turpé Angko lagidag, 

Sagpola dagpé asinko Lagidag.

2.Ansíng ansípé dupesín

Ansín ésarko lagidag 

Mépo mépol jupésín 

Rémi-jémin pédongko lagidag.

Ansín ésarko lagidag

Turdag takamso mépola turpé 

Tang kaman(moyón) bélamko lagidag 

Télé domírtok takarpé unpé 

Ta:to-ya:yo, gumín-soyíng ké ayangko lagidag

3. Sé:ko german germur agérém? 

Kinsumapé gínam kémoné bélamdokké

gílatkupésin

O:ne ané ké dínam migsiko lagidag

A:buké gínam sagíko lagidag

Ímur agérdém ímabong émma

Méngkinsupé no-ngom lo:tungko lagidag

Lékorkorra dalíkko dapé

Aro ajonko lagidag

4.Sirki ané bitkampé billa duné Ngok míksísém gétumpé

Nok ayang dojíkko lagidang,

Abonori kongkampé kola duné Ngok asin

ra:gosém motumpé

Nok amig migyapko lagidag

Sé mo:píso lo:nik turpé

Nom dagrasuko lottako lagidag

Ngasot anédém kongkola gípé

Métinsunam ollungko lagidag.

5. Dígín longodok yumdíng ayérdo írga írgapé dupésin

Dorra duné umíko lagidag.

Tella dupé kungkeko Lagidag.

Turko bélamdém sigla gípé

Do:yi- Polo ké ayangko lagidag

Ru:né píné ké tukku ríyitko lagidag.

Yupla duné repégamsém kinsumopé

Do:mír Ésarko lagidag

Dakko lottasém ka:sí- mosí dopé

mimagmoné migomko lagidag

Ngolum turko bélamko lagidag......